Diseinatu zure bizitzaren amaierako zaintza-plana
Egunen batean hil egingo zara? Badakizu norbait hilgo dena?
Bai! Denok hilgo gara! Eta, planifikatu duzu ezer momentu horretarako?
Denori gustatzen zaigu maila handi edo txikiagoan oporrak etab. planifikatzea, eta norbere bizitza amaierako zainketa zergatik ez dugu planifikatzen?
Orokorrean, desoroso sentitzen gara heriotzari buruz hitzegiten. Distrakzioak eta kanpoko estimuluak areagotuz doazen gizarte honetan, heriotza bezalako egi borobilak hausnartzearen aukera ederra lurperatzen dugu.
Planifikatzearekin ez zara damutuko, baina ez planifikatzearekin damutu zaitezke. Momentua iritsitakoan, zure desioak adierazteko gai ez baldin bazara, familiakideek hainbat erabaki handi hartu beharko dituzte zugatik eta erantzunkizun astuna izan daiteke hori beraientzat.
Zure heriotzarekiko desioak zure erara idaztea uzteak, kontrolaren sentsazioa eta lasaitasuna emango dizu eta zure senideei erabaki handiak hartzeko ardura arinduko diezu. Gainera, bizitzarekiko harremana positiboki eraldatzeko aukera izan dezakezu.
Bihotzez emandako tailer honetan, zure bizitza amaierako nahiak eta erabaki praktikoak hausnartu eta antolatuta uzteko aukera izango duzu.
Eta gogoratu! bizitzaren amaierako zaintzak planifikatzeak ez du heriotza aurreratzen! Heriotza iritsi behar denean iritsiko da, eta gertatzen denean, zu hobeto prestatuta egongo zara!
Heriotzarekiko gaiei buruzko informazio praktikoa jasoko duzu, gaur egungo legediaren mugak kontutan dituena, eta zure dudak eta kezkak lasai azaltzeko aukera izango duzu. Tailerra bi zatitan banatzen da:
1) Heriotza aurretiko zaintzari buruzko informazioa: Medikuentzako eta senideentzako jarraibideak idatzita uzteko.
2) Heriotza ondorengo zaintzari buruzko informazioa: Senideentzako jarraibideak idatzita uzteko.
Norentzako da tailerra? Tailer hau 18 urtetik gorako herritar guztiei zuzendua dago. Heriotza denok biziko dugulako eta ez dakigulako noiz. Ez da gomendagarria doluan dauden pertsonentzako.
Partehartzeko bi modalitate daude:
1. Saio indibidualak
- Zure lana, zure erara eta zure erritmoan egiteko. Behar dituzun beste saio egin ditzakegu. Gutxienez 3 saio beharko lirateke.
- Nik idatzi dezaket dokumentua zugatik zure desio guztiekin. Dokumentua prestatuta eman ahal dizut, erregistratzeko Aurretiazko Borondateen Euskal Erregistroan.
- Prezioa saio indibidualak: 175€ (gutxi gora beherako prezioa, bakoitzaren beharren arabera prezioa aldatu daiteke).
2. Tailerrak
- Tailer teorikoa eta praktikoa. Zure erabakien zirriborroa egiteko aukera izango duzu. Baita ere zure dudak eta galderak argitzeko aukera.
- Taldearen ezaugarrietako bat aberastasuna da. Aukera ederra ematen digulako elkarren galdera, duda edo eta hausnarketengandik ikasteko.
- Tailer hauetako esperientzia orokorrean oso atsegina izaten da: barre asko egin ohi da eta agian batzuetan baita ere negar. Emozio guztiak bizitzeko leku segurua da.
- 3 arratsaldetan. Denetara 12 orduko tailerra. Atsedenak izango ditugu: infusio bat hartu eta aireztatzeko.
- Tailerrean, Agur On Karpeta sortzeko 36 orriko txostena jasoko duzu.
- Prezioa tailerra: 100€. Plaza mugatuak. Deitu edo idatzi apuntatzeko.
Hurrengo tailerrak:
- BERGARAN (Labia espazioan, Eskusarte 7, behea): urriak 10, 17 eta 24. 15:30etatik-20:00etara.
- ONDARROAN (ZAINDUZ zentroan): azaroak 7, 14 eta 21. 16:00etatik- 20:30etara.
Deitu edo idatzi apuntatzeko: 600 833 222
Deitu lasai edozein duda edo galdera baduzu. Gustora hitzegingo dut zurekin.
TESTIGANTZAK
Espero baño gexa jaso det. Bide bat zabaldu duzu, nire heriotzaren aurrean hartu behar duten neurriei buruz, kriston lasaitasuna jaso det. Beharrezko pertsona zara gai honek jorratzeko eta behar dutenei laguntzeko; niri beste laguntzen badiote behintzat. Mila esker.
Xabier A.
Informaziñoi asko jaso, asko ikasi eta askatasun osoz hitz eiñ ahal izan dugu heriotzari buruz. Gida bat daukagu nola prestatu eta nola antolatu, bai heriotza aurretik eta bai ondoren. Eskerrik asko Amaia.
Jose Agustin E.
Espero nuena eta gehiago jaso dut!!! Gehien bete nauena, “emaginaren” lana ezagutzea, heriotza aurreko eta ondorengo prozesuan. Eskerrak eman nahi dizkizut zure eskuzabaltasunagatik. Zu ezagutzeak nire bizitzan eragin handia izan du.
Nerea A.
Heriotzaz gehiago ikasteko eta norberaren kezkez hitz egiteko leku seguru bat izan da. Terapia bat izan da. Faltan botako ditut saioak.
Kattalin A.